عالريق

هو: يا سيد أحمد بدي...
أنا (مقاطعا): سيد؟ ليش شايف على راسي عمامة سوداء؟
هو: طيب! المهم بدي مفك صليب.
أنا: صليب؟ فيك بلا مواضيع دينية من وج الضو.
هو: بلا غلاظتك. هلق بيجي المدير وبيسألني ليش مش جامع المكنة!
أنا: جامع؟ ما بدي ضلني عيد، عفينا من المواضيع الدينية. بعدني ما شربت قهوتي.
هو: ليك، سني عم يوجعني وما إلي جلد على زناختك!
أنا: سني؟ بدو يكون من قرطة المستقبل.
هو: ليش شو بو تيار المستقبل؟
أنا: ولا شي بس مش عم يتعلموا من الماضي.
هو: شو قصدك؟
أنا: قصدي شريف. بتعرفوا لعمر الشريف؟
هو: باي
أنا: لأ مش هوّي.